فورد كراون بوليسي 1998

كم ممشاه ؟ هل البودي وكاله او فيه رش كامل او جزء منه او سمكره في جزء معين ؟ هل انت المالك الاول ؟

عشان نقدر نقيم القيمه !

تبيعني يالطيب تراني صامل

البدي نعم مرشوش كامل كان حكومي
ولا يوجد صدمه ولا سمكره
ممشاه 300الف
وعلى شغل وكالته
شرط المحركات واوراقه جاهزه وداخليه وكالته ومكيفه ثلج
ومعه 2ريموت حتى الكفرات جدد

نبيعك ان كان السعر مناسب بس نشوف كم حقه
او كم تعطيه سعر

ما شاء الله تبارك الله...
شوف يا غالي اسعار السيارات  هذه و من 12 الين 15 
و موفق ان شاء الله

انا اعطيك 12 قل تم

بصراحه والله
مريت الحراج ابحث عن سياره
للسواق الهندي وتجمعو علي شريطيه
قالولي الفورد للبيع قلت ايوه للبيع قالو على الفحص قلت نعم
قالي واحد ب12 الف رفضت وقال ثاني ب13 الف ورقفضت
يوم حركت قالي اخر شي بنعطيك 13.500 ومشيت وتركتهم وكلهم شريطيه
هذا الكلام قبل شهر تقريبا
على العموم ب12 ماهو حقه
والله يجزاك خير

لا تبيعه ان كان نظيف 

سبب البيع والله ماهو عيب في الموتر
ولاكن انتقالي من منطقه الى منطقه
لابد من تغيير نوعية السياره
وعن النظافه ولله الحمد اعتبره 2010 بنظافته

والله كلام الشريطيه من 12 - 14 

لكن هم يبيعونه على 17 - 20 

والفوردات العاديه في الموقع هنا واصل سعرها على 18 الف ( كلمة الحق تنقال ) 

تحياتي 

الله يجزاك خير
وكلامك سليم
والموتر الكفو ياخذ حقه

ولله ياخوي ان كان انه نضيف لاتبيعه باقل من 18 واعلن فيه في كل مكان
حتى لو قيمته كذا فالسوق لكن انت والجميع ونا كلنا نقول انه ( نضيف )!

2010 بنظافته ؟ وله 18 سنه مدري 17 قل كلام يعقل ياخي ! 

انا اشوف ان حقه التقديري من 16 الى 17 وبيوقف عليها ، هذا اذا كان نظيف مثل ماتقول وداخلي نظيف ولا فيه اصوات قربعة وعزمه حلو وكل شي فيه زين


اكثر من كذا لاتطمع لأنه ما اتوقع بيتعداها فوقها هو سعر 2000 و2001 ولا تنسى ان فكتوريا ، الماركيز من ناحيتي يجيب اكثر منه بشوي يعني فرق 2000 تقريبا

مايتعدى ال 17 الف كذا وحولها
وبعد ماينزل لدرجة انك تبيعه ب 13 و12 ان كانه نظيف ومافيه اصوات قربعه وفيه عزم

بارك الله فيكم وكل من علق على الموضوع
والاخ اللي يقول قول كلام يعقل
من الطبيعي في جميع السيارات
تجد سياره مديل قديم بنظافة المديل الحديث
ويمكن يكون انظف بعد
وتقبلو تحياتي وشكرررررررررا لكم